|
Ysbyty’r Tywysog Siarl ym
Merthyr Tudful: mae ganddo tua 430 o welyau, ac
mae’n darparu gwasanaethau brys aciwt, a rhai
meddygol a llawfeddygol dewisol; Gofal Dwys a
Gofal Coronol; gwasanaethau obstetreg dan
arweiniad ymgynghorydd gydag Uned Gofal Arbennig
i Fabanod; meddygaeth bediatrig dan arweiniad
ymgynghorydd ar gyfer cleifion preswyl, ac mae
ganddo Uned Ddamweiniau ac Achosion Brys brysur.
Mae yno saith llawdrinfa. Mae’r ysbyty hefyd yn
cynnig gwasanaethau geneuol a genol-wynebol
isranbarthol, ystod lawn o wasanaethau arbenigol
i gleifion allanol a ddarperir gan feddygon
lleol ac arbenigwyr sy’n ymweld, ac mae ganddo
rychwant eang o wasanaethau a chyfleusterau
diagnostig gan gynnwys Tomograffeg Gyfrifiadurol
64 sleisen, Meddygaeth Niwclear ac MRI. Darperir
y cyfleusterau diweddaraf yn yr Adran Radioleg,
ac mae’r ysbyty’n gweithredu’n ddi-ffilm bron,
gan fod delweddau ac adroddiadau digidol ar gael
i glinigwyr ar hyd a lled y safle. Saif llawer o
swyddfeydd corfforaethol a rheolaethol yr
Ymddiriedolaeth ar y safle hwn, ynghyd â
phreswylfeydd y staff clinigol. |
